რეპერტუარი

  • ღმერთო რისთვის?!


  • ავტორი: ნოდარ დუმბაძის ნაწარმოებების მიხედვით
  • რეჟისორი: ნუგზარ გაჩავა
  • ქრონომეტრაჟი: 95 წთ.
  • პრემიერის თარიღი: 13 მაი 2017

პიესა ერთ მოქმედებად ნოდარ დუმბაძის ნაწარმოებების მიხედვით

რეჟისორი ნუგზარ გაჩავა ნოდარ დუმბაძის განუმეორებელი სევდითა და იუმორით აღსავსე სამყაროს აცოცხლებს. თბილისი. იტალიური ეზო. 37–ი წელი. ქართულ–სომხური ოჯახი. ვანიჩკა სომეხი კაცია, მისი მეუღლე, ანეტა–ქართველი ქალი. მათ მეზობლად ცხოვრობს ანიკო, რომელიც მარტო ზრდის მცირეწლოვან ვაჟს. რეპრესია ანიკოსაც შეეხება, მასაც გადასახლებენ. ანიკოს ბოლო იმედი, შეძახილი თავისი მეზობელი ვანიჩკასკენ, შვილი მშობლებთან ჩამიყვანე ხონშიო. 
რა მოვლენები გათამაშდება ამ ამბიდან 12–ი წლის შემდეგ, როგორი მიტუშა უბრუნდება თბილისს, ვისთან შეხვედრა და რა ახალი თავგადასავალი ელის ამ ახალგაზრდა კაცს? – ამას სპექტაკლის ნახვის შემდეგ შევიტყობთ.                          
 

  • ომის ღმერთი


  • ავტორი: თამაზ გოდერძიშვილის ქართული ვერსია იასმინა რეზას ამავე სახელწოდების ნაწარმოების მიხედვით
  • რეჟისორი: გიორგი შალუტაშვილი
  • ქრონომეტრაჟი: 95 წთ.
  • პრემიერის თარიღი: 25 მარ 2017

სევდიანი კომედია ერთ მოქმედებად თამაზ გოდერძიშვილის ქართული ვერსია იასმინა რეზას ამავე სახელწოდების ნაწარმოების მიხედვით

ერთ მოქმედებიანი ტრაგიკომნედია „ომის ღმერთი“ იასმინა რეზას გახმაურებული პიესაა, რომელიც რეჟისორმა გიორგი შალუტაშვილმა ქართულ სინამდვილეში გადმოიტანა. ორი ოჯახი, ორი ცოლ-ქმარი ეცონბა ერთმანეთს, შეხვედრის მიზეზია მათ ვაჟებს შორის მომხდარი კომფლიქტი. 11 წლის ბავშვებმა იჩხუბეს, ახლა მშობლების გასარკვევია, როგორ გადაწყცვეტენ პორბლემას. „მე მჯერა ომის ღმერთისა, ომის ღმერთი მართავდა და მართავს სამყაროს“ -ო, ამბობს ერთ-ერთი პერსონაჟი; ამას თავისი გამართლება აქვს - ბავშვების ჩხუბი „ცივილიზებული“ მშობლების დაძაბულ, ნევროზულ კომფლიქტში გადაიზრდება. როგორ? რატომ? რა მიზეზით? იქნებ იმიტომაც, რომ ომის ღმერთია კაცობრიობის მარადიული პრობლემა და მიუხედავად იმისა, რომ ვიცით, ანდა, უკეთ ვთქვათ, თითქოს ვიცით, რამდენად დიდი ტრაგედიაა ომი, მაინც ვომობთ. აქ კი უკვე სრული აბსურდი იწყება ...                              
 

  • სამშობლო მცირეთა და მრავალთა


  • ავტორი: გურამ ბათიაშვილი
  • რეჟისორი: ზურაბ სიხარულიძე
  • ქრონომეტრაჟი: 70 წთ.
  • პრემიერის თარიღი: 28 იან 2017

გურამ ბათიაშვილის პიესა ერთ მოქმედებად

საქართველოს ოქროს ხანა – თამარის ეპოქა. ამირთ–ამირა აბულასანი სამეფო დარბაზის უმრავლესობის რამდენიმე წევრს იხმობს თავისთან. კამერულ სივრცეში დაძაბული საუბარი იმართება; ვის მოჰგვრიან ქმრად თამარ მეფეს – ექშორიაქმნილ იური ბოგოლუვსკის თუ ბერძენ კონმენოსს. 
ფაქტობრივად ეს პარტიის შიდაპოლიტიკური, ანგარებაზე გათვლილი დიალოგია, რასაც პიესის ბოლოს სამეფო დარბაზის უმცირესობის წევრებიც უერთდებიან. რა შეთანხმებამდე მივლენ ისინი? ამაზე მოგვითხრობენ დრამატურგი გურამ ბათიაშვილი და რეჟისიორი ზურაბ სიხარულიძე ბათუმის ახალ სცენაზე                                 
 

  • ცხოვრება გრძელდება


  • ავტორი: ჰანა მოსი და დეივიდ რალფი
  • რეჟისორი: ჰანა მოსი და დეივიდ რალფი
  • ქრონომეტრაჟი: 50 წთ.
  • პრემიერის თარიღი: 19 ნოე 2016

ქართულ-ბრიტანული კოპროდუქცია:

სპექტაკლში მოთხრობილ ამბავს საფუძვლად უდევს ჰანას რეალური ისტორია. ჰანას მამა ავთვისებიანი სიმსივნით გარდაიცვალა, როცა ჰანა 17 წლის იყო. წარმოდგენაში არ ისმის საუბარი. მსახიობები თავიანთ სათქმელს ან დაფაზე წერენ, ან ფიზიკურად და ვიზუალურად გამოხატავენ. მიზეზი იმისა თუ რატომ არ ვლაპარაკობთ მთელი წარმოდგენის განმავლობაში გახლავთ ის, რომ გვინდა ვაჩვენოთ რამდენად ძნელია დანაკარგზე საუბარი. ამით გვსურს უფრო მეტად ჩავწვდეთ მწუხარების ნამდვილ ბუნებას.