რეპერტუარი

  • თამაში


  • ავტორი: პაოლო ჯინოვეზეს მიხედვით
  • რეჟისორი: დავით დოიაშვილი
  • ქრონომეტრაჟი: 100 წთ.
  • პრემიერის თარიღი: 20 ოქტ 2021

ორ მოქმედებად

როგორ დაგვიზოგა დრო და თან როგორ გაგვაშიშვლა თანამედროვე ტექნოლოგიებმა! ერთ გაჯეტში ჩატეული თითოეული ადამიანის დაფარული ცხოვრება, ამბები, ვნებები, რომელიც ახლის დაწყების და ძველის ნგრევის საწინდარია. ხელის გულზე დადებული მობილურები უფრო მეტს ამბობენ უკვე ჩვენზე, ვიდრე თავად ჩვენ და ჩვენი ცხოვრების წესი. ეს ყველაფერი კი, შეიძლება ერთ მშვენიერ საღამოს ხუმრობა-ხუმრობით, უახლოესი მეგობრების და დიდი ხნის ურთიერთობების დასასრული აღმოჩნდეს. უზარმაზარი ნაპრალი-ნდობაში და ეჭვი-საკუთარ ავთენტურობაში -გვეწვიეთ ასეთ საღამოზე -ბათუმის თეატრში... 

  • თოლია


  • ავტორი: ანტონ ჩეხოვი
  • რეჟისორი: ანდრო ენუქიძე
  • ქრონომეტრაჟი: 180 წთ.
  • პრემიერის თარიღი: 20 მაი 2021

ორ მოქმედებად

დიდი დრამატურგები თავის თეატრს ქმნიან და იქედან გვესაუბრებიან მარადიულ თემებზე. ანტონ ჩეხოვის „თოლია“ ე.წ. „ახალი დრამის“ ის შედევრია, რომელიც ყველა დროსა და სივრცეში საინტერესო იქნება, რადგან სარკაზმულია, უაღრესად დრამატული, ირონიული, სიმბოლიკით გაჯერებული, მოდერნისტული და ამავე დროს, თავისი შინაგანი ბუნებით, - აპოკალუპტური, რაც ასე ზუსტად ეხმიანება პანდემიით გათანგულ ჩვენს ყოფას.

პიესაში იმდენი ფსიქოლოგიური შრეა, იმდენი პერსონაჟის ხაზი თუ ბედისწერა იკვეთება ერთმანეთში, რომ ეს, თავისთავად გულისხმობს, ახალ რეჟისორულ წაკითხვას, ხედვას, ფორმას, რასაც ბათუმის დრამატული თეატრის სამხატვრო ხელმძღვანელი, ანდრო ენუქიძე და თეატრის დასი უკვე სთავაზობს ქართველ (და არა მარტო ქართელ) მაყურებელს.

  • სჯანი


  • ავტორი: ლეონიდ ანდრეევი
  • რეჟისორი: ზაზა სიხარულიძე
  • ქრონომეტრაჟი: 80 წთ.
  • პრემიერის თარიღი: 01 აპრ 2021

თარგმანი და სცენური რედაქცია თამაზ გოდერძიშვილისა

,,რომელი ძლიერი გამომიწვდის დახმარების ხელს? 
არცერთი! 
არავინ! 
სად ვიპოვი იმ მარადიულს, ჩემი საბრალო, უსუსური, საშინელებამდე მარტოსული ,,მეთი“ რომ მივეტმასნო?
არსად! არსად!“

ლეონიდ ანდრეევი ,,სჯანი“ 
დაბეჭდვამდე ლეონიდ ანდრეევმა მოთხრობა მაქსიმ გორკის წააკითხა. ,,მშვენიერი მოთხრობაა“ - უპასუხა გორკიმ - დაე, ეშინოდეს ცხოვრებისა, სასოწარკვეთის რკინის მარწუხებით შებოჭე მისი საზიზღარი აღვირახსნილობა და თავგასულობა, აღუვსე სულის სიცარიელე თავზარითა და შიშით! თუ ამას ყველაფერს გაუძლებს- გამოჯანმრთელდება, თუ ვერ გაუძლებს, მოკვდება გაქრება!

  • H E L L A D O S


  • ავტორი: ნოდარ დუმბაძის მიხედვით
  • რეჟისორი: პეტრე ჩარგეიშვილი
  • ქრონომეტრაჟი: 90 წთ.
  • პრემიერის თარიღი: 08 სექ 2020

სევდიანი ამბავი ერთ მოქმედებად

ქართველ მაყურებელს განსაკუთრებით იზიდავს ნოდარ დუმბაძის მოთხრობების ვერსიებზე განხორციელებული სპექტაკლები.

,,HELLADOS” დიდებული მწერლის, ნოდარ დუმბაძის ერთ-ერთი მოთხრობაა, რომელიც ბერძენი და ქართველი ბიჭის განცდებზე, სამშობლოს, მეგობრის სიყვარულზე და მათ ტრაგიკულ ხვედრზე გვიამბობს.

რეჟისორი პეტრე ჩარგეიშვილი, სწორედ ამ მოთხრობის მიხედვით შექმნილ სპექტაკლს სთავაზობს ბათუმელ მაყურებელს.

პრემიერა ეძღვნება ლაშა კუხიანიძის ხსოვნას

ბათუმი სილია ჭავჭავაძის სახელობის პროფესიული სახელმწიფო დრამატული თეატრის და სპექტაკლ "HELLADOS"-ის პარნიორია, აკად . ბ. ნანეიშვილის ფსიქიკური ჯამრთელობის ეროვნული ცენტრი და ბათუმის სამედიცინო ცენტრი

  • ბოლო გაჩერება


  • ავტორი: თარგმნა ზურაბ გოშაძემ
  • რეჟისორი: გაგა გოშაძე
  • ქრონომეტრაჟი: 60 წთ.
  • პრემიერის თარიღი: 28 ივლ 2020

ნიკოლას ე.ბრაერის კინო სცენარის მიხედვით

ანოტაცია:
კინოხელოვნება ხშიად მიმართავს თეატრისათვის შექმნილი პიესების ეკრანიზაციას. არცთუ იშვიათად პირიქითაც ხდება. 
რეჟისორმა გაგა გოშაძემ ნიკოლაუს რ.ბრაერის კინოსცენარზე - „ინცინდენტი, ანდა შემთხვევა მეტროში“ შეაჩერა არჩევანი, რის მიხედვითაც გახმაურებული ფილმი შეიქმნა ჰოლივუდში. 
სპექტაკლი - „ბოლო გაჩერება“ 2011 წელს დაიდგა ბათუმის სახელმწიფო დრამატულ თეატრში და იმთავითვე მიიქცია მაყურებლის ყურადღება მძაფრი სიუჟეტითა და დრამატული სიტუაციით, რომელიც მატარებლის ერთ ვაგონში ვითარდება . . .


პანდემიით გამოწვეული რეგულაციების გათვალისწინებით, თეატრი ვერ შეძლებს მაყურებლის საპრემიერო ჩვენებაზე მიღებას. სპექტაკლი გაიმართება ცარიელ დარბაზში ტელეკამერების წინ. 

პროექტი ხორციელდება ბათუმის დრამატული თეატრისა და აჭარის საზოგადოებრივი მაუწყებლის ურთიერთანამშრომლობის მემორანდუმის საფუძველზე.

  • ელექტრას ომი


  • ავტორი: ნინო ხარატიშვილი
  • რეჟისორი: გურამ მაცხონაშვილი
  • ქრონომეტრაჟი: 100 წთ.
  • პრემიერის თარიღი: 17 ივლ 2020

ერთ მოქმედებად

ჩვენ — მსახიობები, რეჟისორი, მხატვრები, კომპოზიტორი, განათებისა და ხმის დიზაინერები, ჩვენ, ვინც ახლა ბათუმის დრამატული თეატრის ამ ახალ სპექტაკლზე ვმუშაობთ, ვიკვლევთ თემას, რომელიც არასდროს „გადადის მოდიდან”, სამწუხაროდ. ჩვენ ვიკვლევთ ომს სროლების, დასვრილი ტანსაცმლის, ტელევიზორებიდან გადმოღვრილი ახალი ამბების გარეშე. ელექტრა წერილს გზავნის ღამის კოსმოსში და ტანზე “Balenciaga”-ს დიდი, შავი კაბა აცვია: 

,, მე და შენ ყველაფერს გავაჩუქებთ და პატარა ქოხს ავაშენებთ იმ კლდესთან, სადაც ბავშვობაში გვითამაშია. ის ადგილი ჩვენთვის შემოვინახე, ყველაფრის თავიდან დასაწყებად. ჩემს მკლავებს მოგცემ, რომ იბრძოლო. ჩემს თვალებს, რომ შეიცნო. ჩემს პირს, რომ ილაპარაკო. ფეხებს მოგცემ სარბენად და ტუჩებს საკოცნელად, - თუ თვითონ ვეღარ შეძლებ. ყველაფერს მოგცემ, ოღონდ დაბრუნდი, ორესტე, დამიბრუნდი. და უგემრიელეს ერბოკვერცხსაც შეგიწვავ!’’