ბათუმის ილია ჭავჭავაძის სახელობის სახელმწიფო დრამატული თეატრი აქტიურად განაგრძობს 146-ე თეატრალურ სეზონს და მაყურებელს მრავალფეროვან პრემიერებს სთავაზობს. 25 აპრილს მცირე სცენაზე გაიამართა სპექტაკლი „ზღვარზე“ გუგა მგელაძის პიესის „ფერფლისფერი ფანტელების უდაბნოს“ მიხედვით, რეჟისორი სალომე ჯიჯავაძე, მონაწილეობენ : დიანა ჩახუნაშვილი და ლევან თედორაძე.

დრო, რუტინა და უთქმელობა - სამი უხილავი ძალა, რომლებიც ნელ ნელა ანგრევს ურთიერთობას. ოდესღაც რეზოს და რუსოს ერთმანეთი უყვარდათ, მაგრამ ახლა თითქოს ერთი და იმავე მდინარის სხვა და სხვა ნაპირზე ცხოვრობენ. მათ ბინაში ჯერ კიდევ ისმის საუბრები, თუმცა მნიშვნელოვან თემებზე კი სულ უფრო და უფრო იშვიათად... ყოველი ახალი დღე - ბეწვის ხიდზე გავლას გავს: მცდელობა შეინარჩუნო ან გაბედო და გაუშვა? ეს სპექტაკლი არის გულწრფელი და ფაქიზი შეხედულება სიყვარულზე, რომელიც ნაპრალებად იშლება, მარტოობის შიშზე და იმედზე, რომელიც, შესაძლოა , ჯერ კიდევ არ გამქრალა.

„პროფესიული თეატრების შესახებ“ კანონში შეტანილი ცვლილებების მიხედვით, სამხატვრო ხელმძღვანელის, როგორც თეატრის საერთო ხელმძღვანელის თანამდებობა გაუქმდა. შესაბამისად, ბათუმის ილია ჭავჭავაძის სახელობის პროფესიული სახელმწიფო დრამატული თეატრის სამხატვრო ხელმძღვანელი - ალექსანდრე ქანთარია დაინიშნა თეატრის დირექტორად, ხოლო ირაკლი დევაძე დირექტორის მოადგილედ.