მიხეილ ბულგაკოვის „ბათომი“ გადმოგვცემს XX–ე საუკუნის დასაწყისის შფოთით, რევოლუციური განწყობებით სავსე ეპოქას, როდესაც პოლიტიკურ ასპარეზზე გამოვიდა ისეთი მნიშვნელოვანი ფიგურა, როგორიც იყო იოსებ სტალინი. რა კვალი დატოვა მან ბათუმში? როგორ, რა სახით, მოუტრიალდა იოსებ სტალინი მშვიდ, ზღვისპირა ქალაქს? – ამას სპექტაკლში იხილავთ, რომელსაც დადგამს ბათუმის ილია ჭავჭავაძის სახელობის სახელმწიფო დრამატული თეატრის სამხატვრო ხელმძღვანელი, ალექსანდრე ქანთარია. 

მიხეილ ბულგაკოვის „ბათომი“ გადმოგვცემს XX–ე საუკუნის დასაწყისის შფოთით, რევოლუციური განწყობებით სავსე ეპოქას, როდესაც პოლიტიკურ ასპარეზზე გამოვიდა ისეთი მნიშვნელოვანი ფიგურა, როგორიც იყო იოსებ სტალინი. რა კვალი დატოვა მან ბათუმში? როგორ, რა სახით, მოუტრიალდა იოსებ სტალინი მშვიდ, ზღვისპირა ქალაქს? – ამას სპექტაკლში იხილავთ, რომელსაც დადგამს ბათუმის ილია ჭავჭავაძის სახელობის სახელმწიფო დრამატული თეატრის სამხატვრო ხელმძღვანელი, ალექსანდრე ქანთარია. 

ქართველი ქალი იტალიაში უვლის მოხუცს, რათა ქალმა არჩინოს თავისი ოჯახი. ეს დღევანდელი რეალობაა. თუ რა მოვლენები ვითარდება საქართველოში, ამ ქალბატონის ოჯახში, დიდი ოსტატობოით და სევდანარევი ისტორიით გვიყვება ნიკოლოზ საბაშვილი თავის პიესაში.

„სახლი ღრუბლებში“ ავტორმა, რევაზ ნაჭყებიამ ჟანრულად ტრაგიკომედიად განსაზღვრა; თუმცა, უნდა ითქვას, რომ ზემოთ ხსენებული პიესა დიდი დოზით შეიცავს დრამატულ პასაჟებს. მამა-შვილის ისტორია. მამა ავადაა, შვილი ცდილობს მამის დაავადებას უწამლოს, ეს კი თამაშის გარკვეულ წესს ითხოვს მისგან. ამ დრამატულგიურ ღერძზეა აგებული პიესა, რომელმაც დამდგმელი რეჟისორი, პეტრე ჩარგეიშვილი დააინტერესა. დასამახსოვრებელ სამსახიობო დუეტს ველით სპექტაკლისაგანაც, რადგან მამა-შვილის მხატვრული გააზრება ბევრ სცენურ ვარიაციას გვთავაზობს. 

პიერ შენოს „მილიონერის ანდერძი“ ჟანრულად  კომედია - ფარსია. რა კომიკური თავგადასავლის მომსწრენი შეიძლება გავხდეთ, როცა მილიონერი კვდება, მაგრამ მოულოდნელად ისევ გაცოცხლდება. ვის უტოვებდა იგი ანდერძით თავის ქონებას? რა გადაწყვეტილებამდე მიდის მილიონერი გაცოცხლების შემდეგ? აი, ამ სახალისო, დამაფიქრებელ ისტორიაზე მოგვითხრობს რეჟისორი მალხაზ ასლამაზაშვილი ბათუმის სახელმწიფო დრამატული თეატრის სცენიდან. 

თეატრალურ ნიღაბს ორი სახე აქვს, ერთი ტირის, მეორე - იცინის. თეატრის სამხატვრო ხელმძღვანელმა, ალექსანდრე ქანთარიამ ამჯერად თეატრალური ნიღბის ის მხარე აირჩია, რომელიც მაყურებელს აღიმებს, მეტიც შეილება ითქვას, გულიანად ახარხარებს, რადგან ბათუმის დრამატული თეატრის სცენაზე ავქსენტი ცაგარელის პიესა „რაც გინახავს, ვეღარ ნახავ!“ უნდა განხორციელდეს. დასამახსოვრებელი ხასიათები, ჩამთრევი სიუჟეტი, ფერადოვანი სამყარო, კომედიისთვის დამახასიათებელი სიმსუბუქე, რაც ასე იზიდავს თეატრალური ხელოვნების ჭეშმარიტ მოყვარულებს. გილოცავთ ამ ახალ თეატრალურ ფოიერვერკს . . .

ბათუმის დრამაული თეატრის ახალმა სამხატვრო ხელმძღვანელმა, ალექსანდრე ქანთარიამ თავის პირველ წარმოდგენად ქართული ლიტერატურის კლასიკოსის, მიხეილ ჯავახიშვილის პიესა „შერცხვენილნი“ აირჩია. ამ პიესის მიხედვით დადგმულ სპექტაკლს რეჟისორმა ახალი სათაური - „სოფელსა შინა“ მოუძებნა. 

მძაფრი სიუჟეტი, მკაფიოდ დახატული პერსონაჟები, ამბის ჯავახიშვილისეული  სიღრმე, სოციუმის ფართო სპექტრი, ნათლად საგრძნობი სიმბოლიკა, რაც საქართველოს ბედზე დააფიქრებს მაყურებელს, ესაა ის შემოქმედებითი ხიბლი და ინტრიგა, რასაც მომავალი სპექტაკლი გვთავაზობს. 

კლასიკა მარად თანამედროვეა . . .